七麦数据

فريق كويتي يؤمن إن الترفيه مو بس "فلّه ووناسه"، لكن وراه أثر وفايدة… ويمكن حتى دخل ودخل قوي بعد.
من خلال تجربتنا الطويلة بعالم الترفيه، اكتشفنا إن الألعاب الجماعية والتحديات التفاعلية (multiplayer) هي أكثر شي يشد الناس، تقضي وقتك فيها وتستانس، وتفتح لك أبواب للتفكير، التنافس، وحتى تكوين علاقات يديدة.
وشفنا بعد إن الناس تقعد بالساعات على وسائل التواصل، فقلنا: ليش ما ندمج هالعالمين؟ نخلق منصة ترفيهية ممتعة، اجتماعية، وتفيد الكل سواء لاعب، متابع، أو حتى جهة تسويقية تبي توصل لجمهور حيّ وتفاعلي.
من هني طلعت فكرة فلتة!
واخترنا اسمها بعناية، لأن كلنا نعرف شنو تعني كلمة "فلته" بالكويتي… الشخص اللي مميز بشغله، ذكي بحركته، وسبّاق بخطوته.
فلتة! هي الملهم الأول للتحديات والبطولات. فيها الأسئلة والأجوبة، السرعة والبديهة، والضحك والمنافسة. فيها مستقبل الألعاب… من التفاعل المباشر إلى الواقع الافتراضي والميتافيرس.
إحنا ما نسوي بس لعبة…
إحنا قاعدين نبني عالم كامل، فيه وناسة، تنافس، شطارة، وربح بعد.
فلتة!
لأن كل واحد فينا فيه فلتة… بس نبي نطلعها